Edicioni i pestë i talent show-t, ka tashmë një fitues dhe ai është Tiri Gjoci. Tiri i cili ka qenë në skuadrën e Sidrit Bejlerit, është triumfuesi më i ri i këtij spektakli. Ai ishte përballë konkurrentit Lorenc Hasrama i cili gjithashtu ishte në skuadrën e Sidrit Bejlerit.Kjo është hera e tretë që konkurrentët e Sidrit Bejlerit dalin fitues të spektaklit “The Voice”, duke shënuar kështu një sukses të paparë si pjesë e jurisë. Mbrëmja finale ishte një spektakël i vërtetë, ku veç dy djemve në garë, interpretuan trajnerët e këtij edicioni, bashkë me konkurrentët e tjerë të këtij edicioni, fituesit e katër edicioneve të mëparshme të “The Voice”. Po ashtu, të ftuar special ishin edhe këngetarët Alban Skënderaj, si dhe Willy William.
Ky i edicion “The Voice of Albania” ka qenë një nga më interesantët. Nga Shqipëria, Kosova e Maqedonia erdhën zëra shumë të mirë, që krijuan skuadra të forta e që i vunë jo pak në vështirësi katër trajnerët.
Por, dy finalistët, ishin kaq të ndryshëm sa edhe të ngjashëm. Nëse do të kishte një koeficent, si në rastin e ndeshjeve të futbollit, të dy do të kuotoheshin njësoj.
