Takimi mes Portugalisë dhe Spanjës është mbyllur në barazim 3-3, teksa spektakli ka nisur që në minutat e para.
Ronaldo gjeti golin e parë të takimit, teksa nga pika e bardhë nuk e pati të vështirë të kalonte De Gean, pas kontaktit që pati me mbrojtësin e Realit të Madridit, Nacho.
Megjithatë kanë nisur menjëherë polemikat për rastin e penalltisë, ndërsa ish-gjyqtari i FIFA-s, Iturraldo Gonzalez ka thënë për “AS” se ai ishte një gol i parregullt.
“Nuk ishte penallti kontakti i Ronaldos me Nachon, pasi ai po e kërkonte vetë kontaktin me mbrojtësin spanjoll. Ishte një moment vlerësimi në të cilin duhej të ndërhynte VAR-i”, ka thënë Gonzalez.
