Pak orë më parë familjarët e Sidorela Ramaj, nënë e dy fëmijëve, në Fier ngritën në këmbë policinë për zhdukjen e vajzës së tyre.
Sipas informacioneve të deritanishme bëhet me dije se 22-vjeçarja është rikthyer në shtëpi dhe ka njoftuar se ishte te kunata në Tiranë.
Në fillim u tha se Sidorela Ramaj, e martuar me dy fëmijë, kishte shkuar rreth orës 09.00 të mëngjesit të sotëm në dyqanin e fshatit Zhupan, aty ku edhe banonte, për të blerë bukë dhe ushqime, dhe nuk është kthyer më në shtëpi.
FOTO/ Doli për të blerë bukë dhe nuk u kthye më, zhduket pa lënë gjurmë nëna e dy fëmijëve
Një nënë e re është zhdukur dhe familja ka denoncuar në polici. Sipas inforamcioneve ajo është Sidorela Rama nga Zhupani i Fierit dhe ka dy fëmijë. Sipas denoncimit që është bërë në Policinë e Fierit, familjarët e saj kanë treguar se kur Rama doli nga shtëpia i tha gjyshes së saj se po shkonte të blinte bukë në dyqanin e fshatit.
Sipas denoncimit të bërë nga familjarët, 22 vjeçarja ka pasur me vete edhe një telefon celuar i cili për momentin rezulton i fikur. Edhe pse është tentuar që nga momentet e para të largimit të telefonohej, gruaja e re, nuk është përgjigjur, çka ka ngjallur edhe dyshimet e familjarëve, duke i detyruar këta të fundit të denoncojnë rastin në Policinë e Fierit.
Por dhe pse ka kaluar një ditë, gruaja nuk është kthyer. Policia ka shpërndarë foton e saj në pikat më të afërta si dhe ka kërkuar ndihmën e Policisë Kufitare.
Kërkimet po bëhen edhe nga familjarët e saj. Nuk dihet ende se çfarë ka ndodhur me gruan e re, e cila sipas familjarëve të saj nuk ka shfaqur probleme.
