Infeksionet urinare janë të shpeshta te pacientët që ankojnë nga veshkat, janë të pakujdesshëm në higjenën e tyre apo që mund të kenë stilt ë çrregulltë të mënyrës së jetesës.
Mirëpo disa shenja që tregojnë infeksion urinar, mund të jenë simptoma të ngjashme me sëmundjet seksualisht të transmetueshme.
Mjekja nefrologe Prof. Asoc. Marsida Duli, e ftuar në A2 CNN, shpjegoi se cilat janë dallimet mes këtyre dy sëmundjeve në shenjat që shfaqin. Kujdes, kontrollet periodike janë të rëndësishem për parandalimin e sëmundjeve.
“Pacientët në përgjithësi kur kanë shqetësime të traktit urinarë kanë djegie gjatë urinimit, kanë vështirësi në urinim, disa herë, shpeshtësim të urinimit, kanë një mosmbajtje të urinës, pra inkontinencë, të urgjencë për të urinuar dhe disa herë mund të shfaqet edhe me temperaturë, me dhimbje mesi të cilat na bëjnë të dyshojmë patjetër për një infeksion urinar. Nga ana tjetër, infeksionet seksualisht e transmetueshme shoqërohen patjetër edhe me disa problematika të traktit genital, siç janë një ndryshim arome i sekrecioneve, disa sekrecione të ndryshuara vaginale apo uretrale të gjinisë mashkullore, ngjyrë të ndryshuar të këtyre sekrecioneve, dhimbje ndonjëherë gjatë aktit seksual apo edhe gjakosje jashtë ciklit normal menstrual“- shpjegoi mjekja nefrologe.
Infeksionet urinare dhe sëmundjet seksualisht të transmetueshme mes dallimeve kanë një të përbashkët, bakteret si shkaktarë. Të marra si infeksione apo të transmetuara seksualisht, këto baktere nisin të shumohen në trup duke sjell pasoja të rënda për jetën deri në vdekjeprurëse.
“Vendin e parë si shkaktar të infeksionit urinar është koli i cili është një bakter i traktit tonë gastrointestinal i cili ë në rrugëtimin e tij kur kontaminon fshikëz e urinës shfaq problematika që lidhen me shfaqjen e simptomave të një infeksioni urinare. shumohet në traktin urinar, ndërsa sëmundjet seksualisht të transmitueshme është dhe këtu një gamë e gjerë patogenësh që mund të shkaktojnë sëmundje të ë seksualisht e transmetueshme duke përfshirë sifilizin, gonoren, klamiden, ë herpes virus e kështu me radhë. Dhe në përgjithësi këto shfaqen me disa shenja edhe lokale të organeve seksuale. Pra, kemi të bëjmë me tipologji të ndryshëm shkaktarësh të këtyre dy lloj infeksioneve” – tregoi më tej mjekja Marsida Duli.
Infeksionet urinare në trup shpesh japin shenja dalluese si temperature, ethe, apo dhimbje të veshkave, mirëpo ka raste që infeksioni është i fshehur. Bakteret shumohen në trup, nisin të marrin hapësirë dhe bëhen shkaktarë të dëmtimeve të ndryshme pa e kuptuar në kohë.
“Është për të vendosur një theks që ne mund të jemi me një infeksion urinar. Mikrobet mund të zhvillohen në traktin tonë urinar dhe secili nga ne mund të mos ketë shenja, mund të mos ketë klinikë. Pra infeksionet urinare jo domosdoshmërisht zhvillohen me shenja klinike dhe me simptoma. Një vlerësim periodik do ishte zgjidhja më e mirë. Në kategorinë e pacientëve të cilët mund të zhvillojnë një infeksion urinar pa simptoma, mund të përmendim gratë shtatzana, pacientët të cilët vuajnë nga diabeti, ato të cilët vuajnë nga sëmundje, infeksione urinare të përsëritura, pra kronike” – përfundoi mjekja nefrologe. /A2 CNN
