Krimi i dyfishtë në Tiranë, ku u vra Xhuljeta Çuni dhe u vetëvra Xhafer Mata mund të parandalohej, nëse policia dhe prokuroria do të kishin lajmëruar më parë familjen e vajzës. Kështu janë shprehur për Panorama familjarët e Xhafer Matës.
Ka qenë babai i tij që ka pranuar se fatkeqësia është e dyfishtë, edhe për familjen e Xhuljeta Çunit edhe për atë të Xhafer Matës dhe se ai është në pritje të një takimi me familjarët e Xhuljeta Çunit.
“Jam në pritje të një përgjigjeje. Përmes një njeriut tim, i kam çuar fjalë babait të vajzës. Tani po pres që të takohemi dhe të bisedojmë”, shprehet Taip Mata.
Ai thotë që ende nuk është momenti për të folur rreth ngjarjes së rëndë që ka ndodhur. “Çdo fjalë e thënë pa menduar, në mërzitje e sipër dhe në trishtimin që na ka rënë për pjesë të përjetojmë, do na rëndonte më shumë ne dhe ata”, është shprehur ai.
