Futbollisti shqiptar, Rei Manaj, pas golit që shënoi në finalen e Kupës së Italisë me të rinjtë e Interit ne ndeshjen ndaj Juventusit, është kërkuar nga skuadra angleze Aston Villa.
Ai është vënë në fokus të futbollit botëror dhe me shumë mundësi do të lërë Italinë.
Portali ‘calciomercato.com’ shkruan: “Aston Vila kërkon Manajn dhe këtë ia ka komunikuar Interit. Shoqëria angleze ka qëllime për ta huazuar atë me të drejta rikthimi”,shkruan portali italian.
Ndërsa një ditë më parë “Goal.com” raportoi se Mançester Siti është njëra prej skuadrave të mëdha që ndjek me kujdes situatën e sulmuesit shqiptar. Ndërkaq, ‘calciomercato’ e mbyll shkrimin për sulmuesin duke thënë se me shumë gjasa ai nuk do të jetë i ftuar në Europian. “De Biazi duket se ka qëllim të konfirmojë grupin që e çoi ekipin në kualifikimin historik, duke përjashtuar Manajn, i cili do të ketë një karrierë përpara edhe me Kombëtaren”.
