Pas shkarkimit të drejtorit të Përgjithshëm të Burgjeve, Klevis Qose, ndryshohet edhe drejtori i Shërbimit të Kontrollit të Brendshëm të Burgjeve.
Sot ministri i Drejtësisë, Toni Gogu, ka firmosur lirimin nga detyra të Indrit Dodës dhe në vend të tij emëroi Gentjan Myrton. Kujtojmë që Myrto ka qenë kryetar i Njësisë Administrative Vaqarr.
Ndryshimi vjen në një moment të rëndësishëm pas miratimit të ligjit të ri, që e transformon SHKB-në në një agjenci, e cila do të ketë për objekt të veprimtarisë së saj edhe mbikëqyrjen e Shërbimit të Provës.
