Aktivisti Aulon Kalaja, ka denoncuar mbrëmjen e kësaj të enjte një situatë skandaloze, në fshatin Sukth-Vendas të Bashkisë së Durrësit.
Përmes një video të ndarë për mediat, ai deklaron se ura e cila lidh Bashkinë e Krujës me atë të Durrësit është amortizuar dhe për pasojë është rrezikuar jeta e një shoferi teksa ka qënë duke kaluar mbi të.
Sipas denoncimit, shoferi ka qënë duke lëvizur me makinë mbi urën e amortizuar dhe për pasojë makina ka rrëshkitur dhe ka ngecur në kavot e urës, duke i rrezikuar seriozisht jetën. Sipas Kalasë, është dashur ndërhyrja e qytetarëve të zonës për ta nxjerrë nga aty.
Ai thekson se e ka denoncuar gjendjen skandaloze të urës pak ditë më parë, por deri më tani institucionet nuk kanë marrë asnjë masë.
