Një histori e pabesueshme u trasmetua në emisionin televiziv italian Le Iene Show, ku tregohet se djali 6-vjeçari nga Kosova, Alvin Berisha, është dërguar nga nëna e tij në Siri, për t’iu bashkuar grupit militant Shteti Islamik (ISIS).
Le Iene kanë transmetuar pamjet në Italia Uno, dhe fatkeqësisht është e vërtetë.
Koha e nisjes së fëmijës drejt zonave të luftës në Siri është 12 dhjetori i vitit 2014: kamerat e sigurisë në aeroportin Orio al Serio të Bergamos kanë kapur vogëlushin Alvin Berisha, në shoqërimin e nënës së tij, 32-vjeçares Valbona Berisha, para nisjes me një çantë shpine drejt vendit ku ai nuk e di se çfarë e prêt.
Historia është treguar nga babai i 6 vjeçarit, Afrim Berisha. Ai jeton në në Barzago (Leço).
“Babi, eja më merr, se nuk po mundem më. Këtu ka bomba”. Këto janë fjalët që i ka thënë i biri gjatë një bisede telefonike në dhjetor 2015.
Afrimi po kërkon me çdo kusht të kthejë të birin në Itali dhe rrëfen peripecitë e shumta.
46 vjeçari ka shkuar në Siri, ku eshtë rrëmbyer, por ka arritur të shpëtojë dhe të kthehet në Itali.
Ai ka thënë se familja e tij nuk është fundamentaliste, por se bashkëshortja e tij ka ndryshuar, pasi ka dëgjuar njerëz të çuditshëm në internet dhe pasi ka rënë në kontakt me imamë kosovarë.
Afrimi thotë se nuk terhiqet do vazhdojë kërkojë të birin.
https://www.youtube.com/watch?v=vh0WTTXxfCQ
