Një 54-vjeçar nga Korça është arrestuar në flagrancë në Pikën e Kalimit Kufitar Kapshticë, pasi u kap duke kontrabanduar medikamente dhe veshje pa dokumentacionin përkatës.
Sipas njoftimit zyrtar, automjeti i drejtuar nga shtetasi A. I. u ndalua për kontroll në vijën e dytë, ku u zbuluan medikamente të ndryshme mjekësore dhe një sasi veshjesh të dyshuara të kontrabanduara nga Greqia. Mallrat, së bashku me automjetin, u sekuestruan si prova materiale.
Pas veprimeve procedurale, 54-vjeçari u arrestua për veprën penale “Kontrabanda me mallra të licencuara”. Materialet e çështjes i kaluan Prokurorisë së Korçës për hetime të mëtejshme.
