Cristiano Ronaldo ka folur për fituesin e mundshëm të “Topit të Artë”.
Portugezi nuk ka kursyer elozhet për egjiptianin i cili sipas tij ka zhvilluar një sezon sensacional në Premier League duke shënuar 44 gola në të gjitha garat.
Ronaldo, i cili i ka ndarë me Messin nga pesë Topa të Artë secili që prej vitit 2008, shpreson se egjiptiani do të jetë i gatshëm për Kupën e Botës.
“Salah ka qenë ndër zbulimet e vitit”, ka thënë Ronaldo.
“Shpresoj se lëndimi në finale në Kiev nuk do ta mbajë jashtë Botërorit”, shtoi ai.
“Shumë njerëz flasin për betejën për Topin e Artë mes Cristiano Ronaldos dhe Lionel Messit, por ka edhe lojtarë tjerë që kanë shanse për t’u futur në garë. Salah natyrisht është njëri ndër ta”, theksoi Cristiano.
