Një qytetare nga Tirana ka denoncuar gjendjen skandaloze të produkteve ushqimore në një supermarket të zonës së Kombinatit.
Sipas denoncimit në JOQ, në Big Market, tek pallatet Derveni, janë gjetur makarona të markës “Prima”, me paketim të ri dhe çmim më të lartë, të mbushura me miza, ndërkohë që ndodheshin në raftet e dyqanit për t’u shitur tek konsumatorët.
Pamjet e publikuara tregojnë qartë se produktet ishin të kontaminuara, duke ngritur shqetësime serioze për sigurinë ushqimore dhe standardet e ruajtjes së produkteve në këtë subjekt tregtar.
Qytetarja ka kërkuar ndërhyrjen e menjëhershme të institucioneve përkatëse, me qëllim kryerjen e kontrolleve në terren, parandalimin e tregtimit të produkteve të rrezikshme dhe garantimin e mbrojtjes së konsumatorëve.
Ky nuk është rasti i parë i denoncimeve ndaj rrjetit të supermarketeve të Vullnet Sinajt.
