Një aksident ka ndodhur mbrëmjen e sotme në aksin rrugor Korçë-Voskopojë, ku si pasojë kanë mbetur të plagosur 4 persona.
Një furgon është përplasur me një tjetër automjet, në të cilën udhëtonin 4 anëtarë të së njëjtës familje, dy prindërit dhe dy vajzat e tyre.
Të 4 familjarët kanë mbetur të plagosur dhe janë dërguar në spitalin rajonal të Korçës, ku po marrin trajtimin mjekësor.
Ndërkohë nuk ka pasur pasoja për drejtuesin e furgonit, që është shoqëruar në polici, për veprime të mëtejshme hetimore.
