Klubi i Skënderbeut pret vendimin final të CAS-it të Lozanës sa i përket pjesëmarrjes ose jo në Ligën e Kampioneve.
Edhe pse UEFA zyrtarizoi listën e klubeve pjesëmarrëse, për Skënderbeun kjo nuk do të thotë asgjë.
Zëdhënësi i klubit korçar, Enea Zhidro, për “Panorama Sport”, u shpreh: “Ne si klub jemi në pritje të vendimit nga CAS-i i Lozanës nëse do të marrim pjesë ose jo në Ligën e Kampioneve. Deri tani që po flasim nuk na ka ardhur një njoftim nga CAS. Sa i përket listës që ka publikuar UEFA, ajo është diçka formale, pasi në rast se CAS na jep të drejtë, normalisht që do të ndryshojë. Edhe dy vite më parë pati një precedent të tillë”
