Emrat e motrave Gigi dhe Bella Hadid janë përmendur në dokumentet e publikuara së fundmi nga Departamenti i Drejtësisë i SHBA-së, në kuadër të dosjes që lidhet me financierin e ndjerë Jeffrey Epstein.
Sipas materialeve të bëra publike, përmendja e tyre shfaqet në një email të datës 3 dhjetor 2015. Në këtë komunikim, një person i paidentifikuar, që mendohet të ketë lidhje me industrinë e modelingut, pyet Epstein se si motrat Hadid u bënë modele të suksesshme dhe fitojnë shumë para. Në përgjigje, Epstein shkruan shkurt: “Ti e di”, duke kundërshtuar pretendimin se suksesi i tyre lidhej me pagesa nga babai i tyre tek agjenci modelimi.
Biseda, sipas dokumenteve, vijon me komente të papërshtatshme dhe me nënkuptime ofenduese nga ana e bashkëbiseduesve. Në një moment, Epstein shprehet se ato “ndjekin udhëzimet”, pa dhënë detaje të tjera.
Në dokumentet e publikuara nuk paraqiten prova që Gigi apo Bella Hadid të kenë pasur kontakt me Epstein apo të kenë qenë të përfshira në komunikime me të. Përmendja e tyre rezulton vetëm në këtë shkëmbim emailesh, ndërsa nuk ka të dhëna për ndonjë lidhje direkte mes palëve.
