Angelo Haruni është banori i cili është eleminuar nga shtëpia e Big Brother Vip Albania.
Ai rezultoi më pak i votuari në televotimin ku ishin të përfshirë të gjithë djemtë.
Ishte Greta, ajo e cila si lidere e shtëpisë, mori përgjegjësinë të vendoste se cilët banorë do të shkonin në televotim.
Ajo kishte mundësinë të zgjidhte vetëm vajzat ose vetëm djemtë. Greta vendosi të çojë djemtë në votim, ku pyetja kryesore për publikun ishte: “Kë doni të shpëtoni?”
Në listën e televotimit për këtë javë u përfshinë: Angelo, Artan, Gimbo, Kristi, Mal, Mateo, Miri, Rogert dhe Stenaldo.
Ndërsa ai që nuk ia doli të shpëtonte dhe u eleminua ishte: Angelo.
Ai nuk kishte as biletë fati, duke mbyllur kështu përfundimisht rrugëtimin e tij në Big Brother.














