Dialogu për momentin ende nuk dihet kur do të vazhdojë. As zyrtarë nga Bashkimi Evropian se kur mund të ketë takim tjetër ndërmjet Thaçit dhe Vuçiqit.
Por njohësi i raporteve me Kosovën në Serbi, Dushan Janjiq po thotë se një takim i tillë mund të ndodhë javën e ardhshme.
Madje ai është optimist se në takimin e ardhshëm të dy presidentëve, pala serbe do ta marrë draft-statutin e Asociacionit
“Thaçi dhe Vuçiq ndoshta do të mund të takohen javën e ardhshme, ku pala serbe pret ta marrë dratfin e Asociacionit. Nëse përfaqësuesit e Prishtinës vijnë me këtë draft, Beogradi mund të hyjë në fazën përfundimtare të dialogut. Përndryshe si mund të negociojmë kur Asociacioni është vijë e kuqe për Serbinë”, tha Janjiq.
Sipas Janjiqit, vendimi për ta tërhequr platformën e dialogut nga Kuvendi është “lojë e pistë e politikanëve të Kosovës”.
Në anën tjetër Fatmir Sheholi, njohës për raportet ndëretnike thekson se platforma u tërhoq me të vetmin arsyetim, që të krijohet konsensus më i gjerë.
Ndryshe sot presidenti serb, Aleksandar Vuçiq paralajmëroi se deri në fund të qershorit do të vazhdojë dialogun me presidentin Thaçi.
