Futbolli italian është në prag të një skandali të ri, pasi janë shfaqur dyshime të forta për trukimin e ndeshjes Specia-Parma. Prokuroria ka nisur një hetim.
Sipas asaj që raporton gazeta italiane “Gazzetta dello Sport”, autoritet kanë nisur të hulumtojnë në lidhje me këtë ndeshje, që pa Parmën të ngjitej sërisht në Serie A, pas barazimit të Frosinones me Foggian.
Kjo histori ka nisur nga një denoncim i Filippo De Col dhe Alberto Masi, që kanë deklaruar se kanë marrë mesazhe të dyshimta para ndeshjes, mesazhe të dërguar nga lojtarët e Parmës dhe Ceravolo-s.
Sipas gazetës në këto mesazhe i bëhet thirrje lojtarëvë të Spezia-s të mos lodhen në fushë dhe të mos ta marin seriozisht këtë ndeshje, sepse është e përcaktuar.
Veprimi tjetër i dy lojtarëve të Spezias, ka qenë vënia në dispozicion të provave, inspektorëve të Prokurorisë që po kryejnë hetim.
Do merren në pyetje të gjithë protagonistët, por kjo është vetëm faza fillestare e hetimit. Mbeten për t’u verifikuar edhe shumë detaje të tjera, sidomos nëse në këtë skandal janë të përfshirë edhe lojtarë të tjerë të Parmës.
Organet e futbollit kanë shprehur hapur shqetësimin se në javët e fundit të kampionatit ekipet bëjnë tolerime të shumta edhe pse janë vendosur rregulla dhe masa drastike, situata nuk ka ndryshuar aspak. /EDS
