Aktori i humorit Bes Kallaku duket se po jeton një kapitull të ri në jetën e tij sentimentale dhe këtë herë ka zgjedhur ta ndajë hapur me publikun.
Përmes një InstaStory që mori vëmendje të madhe, Kallaku publikoi një foto ku shihen dy duar të shtrënguara. Detaji që spikati ishte tatuazhi në parakrahun e tij, ku lexohet emri “Ejona”, i shoqëruar nga data 25.12.2025 – një datë që duket se ka domethënie të veçantë për çiftin. Në sfond dëgjohej kënga “I’ll Love You Forever”, duke e përforcuar mesazhin romantik.
Nën emrin dhe datën, aktori ka shtuar edhe një frazë poetike: “Trëndafil në kohë lufte”, një dedikim që lë të kuptohet se kjo dashuri ka lindur dhe është forcuar gjatë një periudhe të vështirë ose ndryshimesh të rëndësishme në jetën e tij.
