Një ngjarje e rëndë raportohet nga Pogradeci ku një i ri ka goditur automjetin privat të një polici e për pasojë është dhunuar barbarisht në komisariat nga uniformat blu.
Ilir Bego 28 vjeç, i cili punon si gazetashitës në qytetin e Pogradecit, ka denoncuar në media dhunën e ushtruar ndaj tij pasi goditi me shkelma makinën e policit për shkak të një gjobe të marrë 2 vjet më parë. 28-vjeçari ka pohuar se policia lokale e ka rrahur gjatë shoqërimit dhe gjatë qendrimit në komisariat, të hënën në mëngjes (4 qershor 2018).
“I kërkova falje pas veprimit por polici nuk e pranoi. Më morën me forcë e më tërhoqën zvarrë. Më mbajtën 9 orë në komisariat, më rrahën, pastaj më liruan. Dëmin e makinës e kompensoi babai menjëherë Kam frikë të denoncoj policët. Prokurori i rrethit nuk e pranoi denoncimin”, është shprehur Bego për mediat.
Ky është rasti i tretë brenda pak ditësh, kur uniformat blu rrahin brutalisht . Më herët në Korçë, Enea Ftoi, baba i 3 fëmijëve u dhunua sipas pretendimeve të familjarëve deri në vdekje e më pas në Shkodër, Ardian Kallmi i cili pas dhunës së ushtruar i dha fund jetës.
