Një notar francez është nisur nga Japonia duke synuar që të bëhet personi i parë që kalon nëpër Oqeanin Paqësor.
Ben Lecomte do të notojë 8 orë në ditë për më shumë se 6 muaj deri në bregun perëndimor të SHBA.
51-vjeçari do të përballet me rreziqe duke përfshirë peshkaqenë, stuhi, kandilë deti dhe temperatura jashtëzakonisht të ulëta të ujit.
Ai shpreson të rrisë ndërgjegjësimin për ndryshimet klimatike dhe një ekip shkencëtarësh do të kryejnë kërkime gjatë notimit në 9.000 km.
Ata do të studiojnë mbeturinat plastike, efektin e stërvitjes ekstreme në zemër dhe do të shqyrtojnë se si fatkeqësia bërthamore e Fukushimas ka ndikuar në oqean.
Lecomte, i cili jeton në SHBA, është duke u përgatitur me orë të tëra duke bërë not në ujë të hapur çdo ditë. Ai gjithashtu ka zhvilluar ushtrime në vizualizim për të siguruar që është i përgatitur mendërisht.
“Pjesa mendore është shumë më e rëndësishme sesa ajo fizike,”– tha Lecomte për agjencinë e lajmeve AFP. “Duhet të siguroheni që gjithmonë të mendoni për diçka pozitive”.
