Një 21-vjeçar është arrestuar në Berat pas një hetimi që zbuloi përfshirjen e tij në një rrjet të shpërndarjes së lëndëve narkotike.
Ai dyshohet se siguronte sasi të kanabis sativa, të cilën e ndante në doza në banesën e tij në lagjen “30-Vjetori”, me qëllim shitjen.
Ndërkohë shtetasi K.K, 20 vjeç gjithashtu banues në Berat është proceduar në gjendje të lirë.
Sipas hetimeve, A. K. ndante lëndën narkotike në doza në banesën e tij dhe më pas ia dorëzonte K. K.-së, i cili e shpërndante me automjet.
Gjatë kontrollit, u gjetën sasi të kanabisit si në banesën e të arrestuarit, ashtu edhe në automjetin e përdorur për shpërndarje.
