Në një ishull turistik në bregun e Singaporit, përfaqësuesit e SHBA po punojnë ditë e natë me homologët e tyre të Koresë së Veriut për të konkretizuar me 12 qershor Samitin e dizajnuar për t’i dhënë fund programit të armëve bërthamore të Phenianit.
Por një çështje logjistike veçanërisht e vështirë mbetet e pazgjidhur, sipas personave që kanë dijeni mbi bisedimet. Kush do të paguajë faturën e hotelit për Kim Jong-un?
Washington Post shkruan se diktatori kryeneç, por “i varfër” kërkon që të rehatohet në hotelin “The Fullerton”, një ndërtesë neoklasike pranë Lumit të Singaporit, ku një suitë presidenciale kushton më shumë se 6 mijë dollarë në natë.
Përveç kësaj, Ëashington Post thotë se përfaqësuesit e Penianit në grupin organizator të takimit e kanë bërë të qartë që nuk kanë ndërmend të paguajnë asnjë kacidhe për qëndrimin e Kim Jong-un dhe delegacionit që e shoqëron në këtë samit.
Duke cituar burime nga Shtëpia e Bardhë, Washington Post thotë se zyrtarët amerikanë janë vënë në lëvizje për të gjetur mënyrën sesi ta zgjidhin këtë problem logjistik dhe mes zgjidhjeve që po shqyrtohen është edhe mundësia e gjetjes së një rruge “sekrete” që SHBA t’i paguajë qëndrimin Kim Jong-un.
Amerikanët druhen se pagesa e drejtpërdrejtë mund të interpretohet si “ofendim” nga ana e Koresë së Veriut dhe për këtë po përpiqen që të gjejnë mundësinë që fatura të paguhet në emër të Singaporit.
Nga ana tjetërTrump pritet të qëndrojë në Shangri-La, një hotel me 747 dhoma që është mësuar me ngjarje të sigurisë së lartë. Ai organizon konferencën vjetore Shangri-La, një konferencë sigurie që tërheq dhjetëra ministra të mbrojtjes dhe shtetit.
Zyrtarët e Shtëpisë së Bardhë dhe të Departamentit të Shtetit në mënyrë të përsëritur refuzuan të komentonin rreth detajeve të organizimit të Samitit, duke i mbajtur më top sekret sesa vetë thelbi i negociatave.
Rexon Ryu, një ish-zyrtar i Shtëpisë së Bardhë që merrej me çështjen bërthamore të Koresë së Veriut, tha se interesi kryesor i Koresë së Veriut është mbajtja e diskutimeve të qeja.
“Këto bisedime shkojnë në çështjen e sigurisë, kjo është ndoshta më e rëndësishme për Kim. Madje mendoj se edhe për shumë njerëz në anën e Koresë së Veriut, kjo është më e rëndësishme sesa vetë përmbajtja e negociatave”.
