Detaje të reja janë zbardhur lidhur me shpërthimin me tritol në biznesin në Kuçovë, kompania që shet dhe jep me qira makina në lagjen Postobllok të Kuçovës.
Bëhet me dije se lënda plasëse ishte vendosur pranë derës së ‘Autosalon Skënderi’ në pronësi pesë vëllezërve, njëri prej tyre polic bashkie.
Ndërkohë, njëri nga vëllezërit, Gëzim Skënderi ka deklaruar se nuk ka probleme apo konflikte me asnjë.
Si pasojë e shpërthimit janë shkaktuar vetëm dëme materiale dhe nuk ka persona të lënduar.
Grupi hetimor po vijon punën për identifikimin dhe kapjen e autorit/autorëve, si dhe për zbardhjen e plotë të rrethanave të ngjarjes.
