Avokati i Popullit, Igli Totozani ka reaguar pas publikimit të raportit të DASH për të drejtat e njeriut. Avokati i Popullit vlerëson Raportin e Departamentit Amerikan të Shtetit, si një pasqyrim realist dhe korrekt të situatës së të drejtave të njeriut.
Totozani garanton se do ta shqyrtojë imtësisht këtë raport, duke e shndërruar në një program pune të pazëvendësueshëm.
Ai thekson se ky raport është një ndihmë e çmuar dhe e pazëvendësueshme në punën e përditshme të institucionit të Avokatit të Popullit, në mbrojtje të të drejtave të njeriut.
Avokati i Popullit, Igli Totozani, shpreh falënderime dhe mirënjohje të veçantë për Departamentin Amerikan të Shtetit, për mbështetjen dhe ndihmën e pakursyer në forcimin, mbrojtjen dhe promovimin e të drejtave të njeriut në Shqipëri.
