Gazetari Osman Stafa deklaron se kirurgu Helidon Nina (punon në Spitalin Onkologjik) në një shkresë zyrtare në vitin 2022, drejtuar Urdhrit të Mjekut, ka kërkuar nisjen e procedimit disiplinor ndaj Shefes së Anatomisë Patologjike, Majlinda Ikonomi.
Pretendimet e ngritura nga kirurgu lidhen drejtpërdrejt me pacientët me kancer dhe laboratorin që përpunon biopsitë e tyre.
Sipas mjekut Nina, Majlinda Ikonomi është përgjegjëse për vonesa serioze në analizat e biopsive. Konkretisht, mosrespektimi në kohë nga ana e Shërbimit të Anatomisë Patologjike i cili ka sjellë pengesa në trajtimin e pacientëve që vuajnë nga sëmundje të rënda, si edhe janë eliminuar edhe pacientë të planifikuar për shkak të mungesës së bashkëpunimit.
LEXO EDHE: Skandal në QSUT/ Biopsitë vonoheshin mbi 1 muaj se kështu e kërkonte Majlinda Ikonomi (Dokumentat)
Gazetari pyet nëse është nisur ndojë hetim për këto pretendime pasi nëse vërtetohen, nuk janë më thjesht shkelje, por janë krime ç’njerëzore.
“Kur një pacient pret përgjigjen e biopsisë, ai pret jetën. Dhe kush e vonon qëllimisht, i vonon jetën vetë.”- shprehet gazetari.
Ende sot, thuajse në fund të vitit 2025, duket se askush nuk i ka hetuar këto pretendime të frikshme.
Postimi i plotë i gazetarit:
Çfarë ka ndodhur me biopsitë? Cila është e vërteta?
2020!
Kirurgu Helidon Nina, (punon në Spitalin Onkologjik) në një shkresë zyrtare drejtuar Urdhrit të Mjekut, kërkon nisjen e procedimit disiplinor ndaj Shefes së Anatomisë Patologjike, Majlinda Ikonomi.
Por mua kjo pjesë nuk më intereson.
Ajo që ka vlerë interesi publik janë pretendimet e ngritura nga vetë kirurgu, që lidhen drejtpërdrejt me pacientët me kancer dhe laboratorin që përpunon biopsitë e tyre.
Sipas mjekut Nina, Majlinda Ikonomi është përgjegjëse për vonesa serioze në analizat e biopsive.
“Mosrespektimi në kohë nga ana e Shërbimit të Anatomisë Patologjike ka sjellë pengesa në trajtimin e pacientëve që vuajnë nga sëmundje të rënda…”
dhe
“Janë eliminuar edhe pacientë të planifikuar për shkak të mungesës së bashkëpunimit…”
Këto nuk janë thashetheme.
Janë shkresa zyrtare, me firmë dhe vulë.
Por pyetja që lind është kjo:
A ka ndërmarrë dikush një hetim për të kuptuar të vërtetën?
A ka ngritur Ministria e Shëndetësisë ndonjë grup pune për të verifikuar pretendimet?
Mos ndoshta fajin e kanë pasur ata që ankohen dhe jo drejtoresha e Shërbimit të Anatomisë Patologjike?
Sepse dua të besoj që mbi pacientët me kancer, mbi biopsitë e tyre, nuk janë kryer veprime të tilla monstruoze.
A ka hetuar Drejtoria e QSUT-së këtë rast?
Sepse këto nuk janë pretendime që mund të kalohen lehtë.
Nëse vërtetohen, nuk janë më thjesht shkelje, janë krime ç’njerëzore.
Kur një pacient pret përgjigjen e biopsisë, ai pret jetën. Dhe kush e vonon qëllimisht, i vonon jetën vetë.
Cila është e vërteta e Shërbimit të Anatomi-Patologjisë në QSUT? A ka guxim kush ta thotë? Unë i garantoj anonimatin dhe që kurrë nuk e pres në besë! Keni fjalën time të nderit. Ndryshe nëse e dini dhe nuk flisni, do mbani në ndërgjegje edhe lëngimet e pacientëve me kancer, nëse atyre iu është hyrë në hak!
DOKUMENTAT:
