Një kombinim i ekonomisë, sigurisë dhe sfidave të emigracionit me të cilët po përballet Evropa mund të “ushqej” paqëndrueshmëri në Ballkanin Perëndimor dhe mund të sjellë pasiguri në jug dhe lindje.
Kështu është shprehur Kryeministri Edi Rama gjatë fjalës në Këshillin e Atlantikut, ku ai gjithashtu iu përgjigj dhe disa pyetjeve me drejtimin e presidentit të këtij këshilli, Frederck Kempe. Rama pretendoi se shtetet e Ballkanit si Shqipëria – të etur për integrimin në BE – besojnë se zgjerimin i Bashkimit Evropian është kthyer në një çështje “të dorës së dytë” në prioritetet e Brukselit.
Kryeministri listoi Shtetin Islamik, krizën e refugjatëve dhe radikalizmin politik si sfidat kryesore në Evropë. Rama theksoi se, përgjigja e BEsë për krizën e emigrantëve ka qenë “e ngadaltë dhe konfuze”. Sipas Ramës dhuna ekstremiste është mes sfida kryesore që po përballet sot Evropa dhe sipas tij terrorizmi fetar nuk është një fenomen i ri.
Duke paraqitur idenë e tij për luftimin e deformimit të islamit me anë të përfshirjes së fesë në programin e shkollave, shtoi se, është e djathta ekstreme ajo që ka ushqyer përplasjen me myslimanët gjë që ka sjellë dhe sulmet terroriste. “Si mundet që Donald Trump mund të nominohet si kandidat i partisë që ka nominuar Ronald Reagan? Nga kjo kupton se ka një hapësirë të madhe kur injoranca për nocione të thjeshta bazë për besimin e tjetrit kanë krijuar një radikalizëm të tillë”, tha Rama. /Panorama/
