SPAK ka përfunduar hetimet për çështjen e kontrabandës së naftës në Durrës, duke dërguar për gjykim 11 persona të përfshirë në skemën e grabitjes dhe shitjes së paligjshme të 200 tonëve karburant nga anija “AYA ZANOYBYA”, e ankoruar në Porto Romano.
Sipas hetimeve, anëtarët e ekuipazhit të anijes, në bashkëpunim me shtetasit shqiptarë Juxhin Koka dhe Drilon Malluta, kanë planifikuar dhe realizuar kontrabandimin e naftës në janar të këtij viti. Dy shqiptarët akuzohen gjithashtu se i kanë ofruar 10 mijë euro ryshfet efektivit të policisë Armand Marvataj, i cili ishte ngarkuar me ruajtjen e anijes së sekuestruar, për ta lejuar që nafta të nxirrej fshehurazi..
Anija “AYA ZANOYBYA” dhe sasia e naftës së kontrabanduar u sekuestruan më 12 janar 2025, në kuadër të operacionit “Ari i Zi”, zhvilluar nga Policia e Durrësit.
Të pandehurit që do të përballen me drejtësinë janë:
Armand Marvataj, efektiv policie në Durrës, akuzuar për “korrupsion pasiv”;
Juxhin Koka dhe Drilon Malluta, akuzuar për “korrupsion aktiv”, “vjedhje” dhe “kontrabandë”;
Mohammad Sallit, Nedio Mejdani, Hasan Broud, Sami Shanata, Faez Ismaeil, Ëissam Rostom, Samir Bayoumy dhe Abdoulmohaimen Shanata, pjesëtarë të ekuipazhit të anijes me flamur tunizian, akuzuar për “kontrabandë” dhe “vjedhje” në bashkëpunim.
