Nga studioja e “BalkanWeb” kreu i komisionit të Shëndetësisë, Petrit Vasili akuzoi ministrinë e Shëndetësisë se përmes një skeme pikëzimi po u privon të sëmurëve kronikë dhënien falas të medikamentit “Rivaroxaban” që njihet si medikamenti më i mirë që parandalon trombozën sëmundje e rëndë me vdekshmëri të lartë.
Ish- ministri i Shëndetësisë, njëherazi mjek në profesion argumentoi në studion e “BalkanWeb” se ilaçi që shërben për hollimin e gjakut u është dhënë falas të sëmurëve kronikë deri para hyrjes së listës së re me qëllim që të shmanget insulti cerebral, ndërsa ministria e Shëndetësisë ka vendosur që t’ua japë të sëmurëve pasi të kenë pësuar më parë një goditje në tru që në rastin më të mirë të lë invalid për gjithë jetën.
Ka një listë të re të barnave të rimbursueshme, si dhe një urdhër i ministrisë për kufizimin e disa barnave jetike një prej tyre Rivaroxaban, medikament që mban nën kontroll kogaulimin e gjakut tek të sëmurë kronik si dhe parandalon insultet. A keni ndonjë informacion për këtë sistemin e pikëzimit?
Unë kam pasur rezerva për këtë listën e barnave me kohë. Në qeverinë që shkoi kam qenë për pak kohë ministër i Drejtësisë. Kur prunë listën në atë kohë unë i paraqita një seri vërejtjesh teknike për listën, ajo listë nuk u miratua. Ju e dini që kemi pasur një vit pa listë.
Pra kjo ka ndodhur për shkak të ankesave që ju keni dhënë?
Sugjerime, thashë që keni përgatitur një listë që godasin kriteret personale, jo të miat pasi unë isha ministër Drejtësie. Më kritikuan ca sharlatanë sepse ky na bëri vërejtje që duhet t’i përmirësonim, se meqë isha edhe mjek edhe ministër Drejtësie s’duhet t’i bëja këto vërejtje. Pra Shëndetësia nga mbrojtëse u bë në sulmuese. Po të marr këto barna nuk do ndodhë aksidenti cerebral. Këto kritere çfarë janë, thotë që ky njeriu që e përfiton këtë medikamentin duhet të ketë strokë në të kaluarën, insufiçencë kardiake, tension të lartë, moshën më shumë se 75 vjeç dhe diabet sheqeri.
Pra nëse nuk i ka këto të dhëna nuk e merr këtë medikament…
Që ta kuptojnë njerëzit, cila është baza e marrjes së këtij medikamenti. Pra, të merrni këto barna ju mund të mos pësoni goditjen në tru, pra damllanë siç e njeh populli. Pra goditje që mund të të marrë edhe jetën. Këta thonë duhet t’i kesh kaluar këto të gjitha që të jap këtë barnën. Ky është dërrmimi i qëllimit shëndetësor që ka ilaçi. Kjo nuk është për ta parandaluar sëmundjen. Shëndetësia këtu është përmbysur. Duke marrë këto barna, mua nuk do më ndodhë ky aksidenti i madh cerebral, por nëse më ndodh unë rrezikoj jetën dhe do mbetem fare, do invalidizohem. Por nga ana tjetër do t’i kushtojë më shumë sistemit kur të mbetem në terapi intensive
