Një shqiptar, i cili ishte shpallur në kërkim më parë nga Franca është arrestuar në aeroportin e Pescarës në Itali.
32-vjeçari shqiptar kishte udhëtuar nga Tirana me Wizz Air drejt Italisë me një dokument identiteti të rremë. Ai u arrestua nga autoritetet italiane menjëherë sapo arriti në aeroport.
Mediat italiane raportojë se 32-vjeçari shqiptar kishte një urdhër arresti evropian të lëshuar nga autoritetet franceze dhe ishte dënuar më parë për vepra të cilat kishin të bënin me trafikimin e drogës.
Ai është dorëzuar pranë autoriteteve gjyqësore italiane, ndërkohë pritet të ekstradohet drejt Francës pas përfundimit të procedurave.
