Pas përfundimit të gjashtë sezoneve në vitin 2022, seriali britanik “Peaky Blinders” po kthehet me dy sezone të reja, sipas raportimeve të fundit. BBC dhe Netflix janë duke punuar për vazhdimin e historisë së krijuar nga Steven Knight.
Cillian Murphy do të rikthehet si Tommy Shelby, personazhi ikonik që ka mbajtur zemrën e sagës. Ngjarjet e reja do të zhvillohen në Birminghamin e vitit 1953, një qytet i dëmtuar nga pasojat e Luftës së Dytë Botërore, ku familjet dhe organizatat lokale luftojnë për kontrollin e projekteve të rindërtimit.
Pavarësisht se nuk është vendosur nëse kapitulli i ri do të mbajë titullin “Peaky Blinders”, fansat mund të presin tension, intrigë dhe dramë, tipike për serialin që ka bërë histori në televizion.
Ky rikthim shënon një epokë të re për Shelby-t dhe rrjetin e tyre kriminal, duke rifreskuar saga për audiencën e re dhe të vjetër.
