Deputeti socialist Agron Malaj ka shpalosur talentin e tij të mënyrës së leximit në Komisionin e Ligjeve, ku i ka sugjeruar kolegëve të opozitës, që të mos merren me raportin e DASH për Shqipërinë, pasi nuk i intereson shqiptarëve.
Në fjalën e tij, Malaj thekson se raporti i DASH nuk citon se siguria në Shqipëri ka një rrezikshmëri dhe deputetët nuk duhet të shtrëmbërojnë apo dizinformojnë.
“Nuk e di se me çfarë shikimi e keni lexuar raportin e DASH sepse aty nuk citon që siguria në Shqipëri ka një rrezikshmëri, nuk citon këto që thoni ju, por megjithëatë është e drejta jotë të thuash por ne këtu nuk jemi për të bërë politikë, kemi një mision tjetër. Nuk duhet të shtrmbërojmë dhe të dizinformojnë siç bëhet në vijueshmëri për disa ngjarje dhe situata, kështuqë është mirë që të jemi sa më të qartë dhe konkret, që të mos bëjmë biseda që na shërbejnë as ne as ju as komunitetit.”– tha Malaj.
