Një konflikt i ndezur mes dy ortakëve të një hoteli në Sarandë ka marrë përmasa të rrezikshme, jo vetëm ligjore por edhe fizike.
Njëra prej ortakeve ka denoncuar publikisht përmes emisionit “Stop” në Tv Klan se me ndihmën e policisë lokale, një avokati dhe punonjësve të OSHEE-së, ortakja tjetër ka ndërhyrë në sistemin elektrik të hotelit pa dokumentacion dhe në mënyrë abuzive.
Ndërhyrja është bërë në mungesë të ortakes tjetër e cila u shoqërua në komisariat, ndërsa elektricistët e palës tjetër futeshin në hotel dhe kryenin lidhje elektrike jashtë çdo standardi sigurie.
Denoncuesja: Kam një hotel bashkë me një ortakun tim, për pjesën time që kam m’i ka fikur dritat dhe dua të vendos një sahat timin! Jemi në konflikt. Më kupton…? Tani unë po habitem me ty. Le ta vendosë, të çajë muret edhe…jo në linjat e mia…
Av.Rigelsi: Po çfarë muresh të çajë? Le ta vendosë në linjën që është.
Policia Sarandë: Do të vish me ne në komisariat.
Denoncuesja: Pse? Po mirë, ja prit të mbaroj njëherë unë, pastaj.
Policia Sarandë: Edhe pala tjetër do vijë vetë bashkë me avokatin. Këtë gruan do ta marrim neve…
Av.Rigelsi: E ke atë djalin lart. Të vete unë një vrap tek prokuroria, për të firmosur mbyllje hetimesh?
Elektricisti privat: Pse ke punë?
Av.Rigelsi: Futja bam, bam, po futja mo, mos e vrit mendjen…!
Sipas elektricistit, që kishte kryer instalimet fillestare, sistemi është dëmtuar rëndë dhe paraqet rrezik të madh për zjarr apo aksidente elektrike./Tv klan
