Reperi italian Fedez u rikthye në skenë me një koncert madhështor në “Assago Forum” të Milanos, ku të gjitha biletat ishin të shitura dhe performanca u prit me vlerësime shumë pozitive.
Mes spektaklit muzikor dhe vizual, reperi nga Rozzano surprizoi publikun me një dedikim të papritur për ish-bashkëshorten e tij, influencuesen e njohur Chiara Ferragni.
Edhe pse çifti është zyrtarisht i divorcuar, për vite me radhë ata ishin një nga çiftet më të dashura e më të ndjekura në Itali, duke ndarë me miliona ndjekës jetën e tyre personale dhe profesionale. Ky moment në koncert u pa nga shumë si një rikthim nostalgjik dhe si një sinjal i mundshëm afërsie mes tyre, pavarësisht ndarjes së bujshme.
Aktualisht, Fedez është i fejuar me Giulia Honegger, ndërsa Chiara ka nisur një lidhje të qëndrueshme me sipërmarrësin Giovanni Tronchetti Provera.
Gjatë koncertit, artisti ndaloi gjithashtu për t’u kërkuar falje publike për një deklaratë të mëparshme të konsideruar të papërshtatshme, ku kishte krahasuar tenistin Jannik Sinner me Adolf Hitlerin në tekstin e një kënge të re. Pas këtij momenti, ai iu rikthye temës së marrëdhënies me Ferragni-n, duke ndezur kureshtjen e publikut dhe medieve rozë për një ribashkim të mundshëm.
