Pas më shumë se 4 viteve ndjekje dhe hetim nga Anti-mafia italiane, më në fund sot në orën 15:00 do të zhvillohet seanca e parë gjyqësore në Gjykatën e Katanias për grupin e “Habilajve”, i përbërë nga 14 të akuzuar, mes të cilëve 3 shqiptarë kurse të tjerët janë nënshtetas italianë, të cilët akuzohen për trafik ndërkombëtar droge.
Sipas mediave italiane në këtë seancë të parë do të bëhet vetëm prezanitimi nominal i të akuzuarëve.
Ndërkohe të mërkurën në mbrëmje përfundoi marrja në pyetje e Moisi Habilajt nga prokurorët shqiptarë, të cilët shkuan në një burg në periferi te Katanias ku qëndrojnë prej disa muajsh, Moisi Habilaj dhe Meridian Sulaj, ndërkohë që Nazer Seitaj ndodhet në një burg tjetër në Romë.
Marrja në pyetje në burg është bërë për llogari të hetimeve, që po bëhen në Shqipëri ndaj ish-ministrit Saimir Tahiri për lidhjet e tij me grupin “Habilaj”.
