Seanca gjyqësore për dosjen “Sterilizimi” është shtyrë. Shkak i shtyrjes u bë mungesa e avokatit Dritan Hamitaj, mbrojtës i Rrjepajt, për arsye shëndetësore. SPAK kërkoi që seanca të mos vazhdonte dhe gjykata pranoi pezullimin e afateve të paraburgimit.
Seanca e radhës është caktuar më 1 tetor, në orën 14:00. Në këtë proces janë të pandehur 8 persona, mes tyre ish-zv/ministri i Shëndetësisë, Klodian Rrjepaj. Dosja është ndarë nga ajo e ish-ministrit Ilir Beqaj, i cili po gjykohet veçmas.
SPAK kërkon dënimin e 8 të pandehurve për shpërdorim detyre, në lidhje me tenderin 100 milionë euro të sterilizimit.
