Presidenti i Ukrainës, Volodymyr Zelensky, ka deklaruar se një dron rus ka depërtuar në hapësirën ajrore të Rumanisë, duke hyrë rreth 10 kilometra brenda territorit të saj dhe duke qëndruar për afro 50 minuta.
“Rumania u detyrua të ngrejë avionë luftarakë pas shfaqjes së një droni rus në hapësirën e saj ajrore. Sipas informacioneve të fundit, droni ka hyrë 10 kilometra në territorin rumun dhe ka operuar përreth 50 minuta në hapësirën ajrore të NATO-s,” u shpreh Zelensky.
Ai shtoi se edhe Polonia ka reaguar ushtarakisht ndaj kërcënimit të dronëve sulmues të lëshuar nga Rusia.
Sipas presidentit ukrainas, Moska ka përdorur hapësirën ajrore të Bjellorusisë për të lëshuar dronë më 13 shtator, të cilët kanë hyrë më pas në territorin ukrainas, duke fluturuar drejt rajonit të Volynit.
