Byroja e Kuvendit ka vendosur përjashtimin për 5 ditë të 4 deputetëve, 3 të opozitës: Edi Paloka, Arben Ristani e Roland Keta dhe 1 të maxhorancës, Erion Veliaj. Për ish-kryeministrin Berisha vetëm vërejtje. Ky vendim erdhi pas fyerjeve që për pak degjeneruan në dhunë në seancën e kaluar parlamentare.
Në përfundim të mbledhjes, deputeti Edmond Spaho tha se Kuvendi toleroi deputetin Braçe duke i dhënë të njëjtën masë disiplinore si deputetëve të tjerë, duke e bërë atë fajtorin kryesor për incidentin në seancë.
“Byroja toleron kryeministrin me fjalor të shthurur toleroi sot edhe Braçen duke e barazuar me deputetët e tjerë. Braçe ofendoi me fjalor vulgar, e barazuan me të tjetër që replikuan me argumenta. Byroja vepron rishtazi me të njëjtat standarde”,- tha Spaho.
