Një granatë dore është gjetur pasditen e së hënës në çatinë e një shtëpie funerale në lagjen “Kameras” të Fushë-Krujës. Lëndën eksplozive e konstatoi rreth orës 15:50 pronari i biznesit, Arbër Sala, i cili njoftoi menjëherë policinë.
Forcat e rendit konfirmuan se granata u neutralizua nëpërmjet një shpërthimi të kontrolluar nga specialistët e Njësisë Antieksploziv.
“Më datë 08.09.2025, rreth orës 15:50, në lagjen ‘Kameras’, Krujë, shtetasi A. S. ka konstatuar në çatinë e subjektit të tij një granatë dore, e cila u asgjësua nëpërmjet plasjes së kontrolluar nga specialistët e Njësisë Antieksploziv. Punohet për sqarimin e rrethanave të rastit”, njoftoi policia.
