Një aksident tragjik ka ndodhur mëngjesin e së hënës në Atlacomulco, në veriperëndim të Meksikës, ku një tren përplasi një autobus me dy kate. Ngjarja la të paktën 8 persona të vdekur dhe 45 të plagosur.
Sipas Agjencisë së Mbrojtjes Civile, ekipet e emergjencës vijojnë punën për të shpëtuar të mbijetuarit dhe për të sqaruar rrethanat e aksidentit. Autoritetet lokale kanë bërë thirrje që qytetarët të shmangin zonën për të mos penguar ekipet e ndërhyrjes.
Pamjet e shpërndara në rrjetet sociale tregojnë momentin kur autobusi, i bllokuar në një kryqëzim pa barriera dhe sinjalistikë, përplaset nga treni që afrohej me shpejtësi. Autobusi u hodh jashtë shinave dhe u dëmtua rëndë, duke lënë pas pasagjerë të bllokuar dhe plagë të shumta.
BREAKING A train collides with a double-deck bus in Mexico, multiple people dead – VIDEO pic.twitter.com/9xBe3iSxrh
— Insider Paper (@TheInsiderPaper) September 8, 2025
