“Ne kemi zgjedhur një ekip të shkëlqyer për bisedimet tona me Korenë e Veriut”. Kështu ka deklaruar Donald Trump, përmes një postimi në Twitter.
“Mbledhjet po zhvillohen aktualisht në lidhje me Samitin, dhe më shumë. Kim Young-chol, gjenerali i Koresë së Veriut, është duke shkuar tani në New York. Përgjigje e fortë ndaj letrës sime, faleminderit!”.
Kim Yong Chol, zëvendës kryetar i Komitetit Qendror të Partisë në pushtet, u caktua të udhëtojë drejt SHBA-ve të mërkurën, pasi bisedoi me zyrtarët kinezë në Pekin.
Bisedimet tregojnë se planet për samitin e pashembullt po ecin përpara, pavarësisht letrës që dëshmonte të kundërtën.
Kim Yong Chol do të jetë zyrtari më i lartë i Koresë së Veriut që do të takojë zyrtarët amerikanë, që kur Jo Myong Rok, një marshall, u takua me presidenti Bill Klinton në Shtëpinë e Bardhë në vitin 2000.
