Romina Kallami, e bija e e bija e 47 vjetarit Ardian Kallami që u vetëvar dje në Vaun e Dejës ka treguar bisedën e fundit me të atin.
Ajo rrëfen se babai i saj është shprehur se ishte dhunuar nga policia duke i bërë presion për të pranuar vjedhjen.
“Babai tha se e kishin dhunuar në Polici dhe e kishin detyruar e bere presion të pranonte vjedhjen”.
Ardian Kallami i kishte thënë së bijës do të bënte vetëgjyqësi, pasi ishte thirrur disa herë në Komisariat në lidhje me vjedhjen e ndodhur pranë shtëpisë së tij.
“Kontaktet e fundit me te ishin pak minuta para ngjarjes, me tha se ketu nuk ka as shtet, as ligj, asgjë. Babai me tha s’jam fajtor, s;kam vjedhur asnjë banese”, rrefen Romina.
Ardian Kallami u shoqërua të shtunën nga policia, me dyshimin e grabitjes së një banese në Vaun e Dejës, por më pas u lirua, ndërsa të hënën u thirr sërish duke u marrë disa orë në pyetje.
Pas daljes nga komisariati ai u gjet i vetëvarur në banese.
