Tregu i bonove qeveritare të Italisë, i katërti më i madh në botë, pësoi një nga rëniet më të thella që nga ditët më të errëta të krizës evropiane të borxheve, si pasojë e krizës politike që ka shqetësuar investitorët.
Me rendimentin mbi bonot italiane 2-vjeçare dhe 10-vjeçare gjithnjë në rritje, disa ekonomistë thanë të martën se Italia tani do të përballet me vështirësi serioze financiare dhe ekonomike që në thelb kanë lidhje me Europën.
“Procesi zgjedhor u kthye në fazën e parë, dhe nuk ka vullnet të mirë rrotull”, tha Kit Juckes, një strategjist monedhe i bankës Societe Generale.
“Ka më shumë gjasa që të ketë zgjedhje të reja. Vetë zgjedhjet rrezikojnë të kthehen në një referendum për anëtarësimin në Euro. Tani ne duhet ta quajmë këtë një krizë”.
Në një luftë me sigurinë si politike edhe financiar që papritur ka “pushtuar” Italinë, u rritën çmimet e bonove në Gjermani, Britani, Holandë dhe Zvicër.
Neil Ëilson, drejtues i analizave të tregut në Markets.com, tha se investitorët ishin kthyer qartazi drejt Italisë.
Në një shënim, ai tha se “lëvizjet këtë mëngjes kërkojnë vëmendje pasi po shohim një veprim të pabesueshëm të çmimeve të bonove italiane, me lëvizjen e shpejt të tregut që nuk është parë që nga kriza më e keqe e borxhit të eurozonës”.
Stanjacioni ekonomik dhe vitet e gjata në reforma e kanë çuar borxhin e jashtëm të Italisë në mbi 2 trilionë euro, 130% e PBB vjetore.
Paolo Savona u refuzua si Ministër i Financave nga presidenti Mattarella, për shkak të pikëpamjeve të tij të kundërta me euron, të cilën e quan “një këmishë e ngushtë e prodhuar në Gjermani”.
Për të mbrojtur euron por edhe anëtarësimin e vendit në union, Mattarella ka të drejtën të aprovojë kabinetin e ministrave.
Ai emëroi Carlo Cottarelli, një ish-zyrtar i FMN-së të drejtojë administratën me një qeveri teknike, deri në zgjedhjet e reja që do të mbahen këtë vit ose në 2019-ën.
