Policia ka arrestuar një 49-vjeçar në Belsh, pasi dyshohet se ka vjedhur një automjet të marrë me qira nga një shtetas tjetër. I arrestuari është Leonidha Dervishi, banues në Belsh.
Materialet procedurale i janë dorëzuar Prokurorisë së Elbasanit, ndërsa Dervishi akuzohet për veprën penale “Vjedhja”.
“Specialistët për Hetimin e Krimeve të Komisariatit të Policisë Cërrik, menjëherë pas kallëzimit të një shtetasi, se në Belsh, i kishin vjedhur automjetin që ai e kishte marrë me qira, organizuan punën për identifikimin dhe kapjen e autorit.
Si rezultat i veprimeve hetimore dhe operacionale të kryera nga specialistët për Hetimin e Krimeve të Komisariatit të Policisë Cërrik, u bë i mundur identifikimi, kapja dhe arrestimi i autorit të dyshuar të vjedhjes së automjetit, shtetasit Leonidha Dervishi., 49 vjeç, banues në Belsh.”, njofton policia.
