Një mbrëmje me emocione ka shoqëruar festën e 105-vjetorit të themelimit të KF Tiranës. Bardheblutë e kryeqytetit, klubi më i titulluar në historinë e futbollit shqiptar, kanë shënuar këtë përvjetor me një surprizë për tifozët e tyre.
Në stadiumin “Selman Stërmasi”, qielli u ndez nga një spektakël i veçantë dronash, të cilët formuan mesazhe simbolike për klubin. Frazat “T’parët, T’vetmit” moto që prej vitesh identifikon krenarinë bardheblu u shfaqën ndriçuese mbi kryeqytet.
KF Tirana, e themeluar më 15 gusht 1920, mbetet simbol i historisë dhe traditës së futbollit shqiptar, duke e shënuar këtë përvjetor si një tjetër moment të paharrueshëm në rrugëtimin e saj.
