Regi Lushkja do të vazhdojë të jetë pjesë e Egnatias. Klubi rrogozhinas ka refuzuar një ofertë nga Turqia për yllin e skuadrës, e cila kishte ardhur nga Sivasspor.
Para ndeshjes së djeshme kundër Olimpija Ljubljanës, drejtori sportiv Klejdi Zenelaj konfirmoi se po zhvilloheshin bisedime me klubin turk dhe negociatat ishin në fazë të avancuar. Sivasspor kishte ofruar 100 mijë euro për kartonin e 29-vjeçarit.
Pas ndeshjes, vetë Lushkja pranoi publikisht bisedimet, por trajneri Tetova theksoi se lojtari nuk do të largohej. Sot, presidenti i Egnatias, Agim Demrozi, e konfirmoi këtë vendim.
“Na kanë bërë një ofertë qesharake prej 100 mijë eurosh. Ai nuk lëviz nga Egnatia, pasi ka edhe tre vite kontratë me ne”, deklaroi Demrozi për “Panorama Sport”.
