Zjarret në Gramsh kanë shkaktuar dëme të mëdha dhe një situatë kritike për banorët. Një prej tyre, nga fshati Skënderbegas, për pak sa nuk humbi jetën teksa përpiqej të shpëtonte banesën dhe bagëtitë e tij, duke refuzuar të largohej pavarësisht rrezikut. Ai u nxor në kohë nga banesa dhe aktualisht ndodhet në spital pasi ka kaluar asfiksi.
Nga spitali, banori rrëfeu se nuk donte të largohej sepse kishte hallin e gruas dhe djalit të tij, si dhe frikën se do t’i digjej çdo gjë që kishte ndërtuar me mund ndër vite. Ai përshkroi se flakët ishin të mëdha dhe kishin përpirë gjithçka përpara, duke përfshirë banesa dhe bagëti në fshat.
“Isha vetëm, gruaja dhe djali në spital. Nuk doja të ikja, kisha shtëpinë dhe bagëtitë. Situata është e vështirë, është djegur çdo gjë, bagëti dhe shtëpi në fshatin Skënderbegas. Ca fshatra të tjerë janë djegur fare. Si ka mundësi të digjet Shqipëria për dy minuta.
Ne shikonim zjarret nga malet, ai na erdhi te shtëpia. Kisha nja 10 kuintalë ujë te shtëpia dhe markusë dhe ndërhyra për ta shuar,” tha ai
