Një vatër zjarri është regjistruar këtë të diel në zonën e Krastës, në Krujë. Në vendngjarje ndodhen mjetet e repartit zjarrfikës të qytetit, ndërsa në ndihmë janë nisur edhe efektivët zjarrfikës që ndodheshin në pushim.
Sipas informacioneve paraprake, deri tani janë djegur disa hektarë me pisha dhe shkurre, ndërsa flakët po përhapen me shpejtësi, të favorizuara nga era. Fatmirësisht, nuk raportohet rrezik për banesat apo bizneset në zonë.
Shërbimet zjarrfikëse vijojnë punën për neutralizimin e flakëve dhe parandalimin e përhapjes në zona më të gjera.
