Një tentativë grabitje ka ndodhur në zonën e Freskut, pikërisht në një pikë Exchange. Një djalë 20 vjeç ka hyrë në ambientet e këmbimit valutor dhe ka kërkuar paratë me insistim.
E gjendur në këtë situatë, punonjësja ka ulëritur dhe ka mundur të dalë deri te dera, duke kërkuar ndihmë. 20-vjeçari duke parë se kishte shumë persona përreth, ia ka mbathur me vrap.
Ka qenë punonjësja e pikës së Exchange që ka njoftuar policinë, e cila menjëherë ka shkuar në vendngjarje dhe po punon për sqarimin e rrethanave.
Informacion paraprak
Më datë 27.05.2018, rreth orës 12:04 jemi njoftuar nga shtetësia E. D., (punonjëse e një pike exchange) në zonën e Freskut, se një djalë i moshës rreth 20 vjeç i ka trokitur në xhamin e dyqanit duke i kërkuar lekët dhe më pas është larguar.
Në vendngjarje kanë shkuar shërbimet e policisë, të cilat po punojnë për sqarimin e ngjarjes dhe kryerjen e veprimeve.