Luftëtari është skuadra më aktive në ditët e fundit. Gjirokastritët kanë bërë disa transferime të rëndësishme gjatë kësaj periudhe.
Pas mbrojtjes dhe mesfushës, i radhës që prezantohet te bluzinjtë është një sulmues. Bëhet fjalë për Kalonji Nyanguila Guillaume. 20-vjeçari ka firmosur kontratë 1-vjeçare me drejtuesit dhe me të drejtë rinovimi edhe për një sezon tjetër.
Kongolezi në të kaluarën ka qenë pjesë e Partizanit, teksa së fundmi luajti te Llapi në Superligën e Kosovës. Ndërkohë Luftëtari do të luajë në sezonin e ri në Kategorinë e Parë, me drejtuesit që dëshirojnë të lënë gjurmë në kampionat dhe të qëndrojnë mes më të mirëve në këtë kategori.
